Meðalfjölskylda á Íslandi eyddi á árunum 2005-2007 rúmlega 15% heimilistekna sinna í kaup og rekstur ökutækja. Þetta kom fram í skýrslu frá Hagstofunni í desember. Það hlutfall hefur nánast örugglega hækkað verulega, enda kostar rekstur bíls miklu meira nú en þá (bensínhækkanir, afborgarnir af lánum …) og tekjur heimilanna hafa dregist saman. Varlega áætlað má því búast við að kaup og rekstur ökutækja séu nú að minnsta kosti 20% heimilisútgjalda.

Ég veit um nokkur heimili í borginni sem hafa brugðist við þessu með afar einföldum hætti: Selt bílinn sinn eða tekið hann af númerum og byrjað að ferðast ókeypis. Vitanlega er þetta talsverð breyting á lífsstíl, en sú breyting er að mestu til góðs. Fólk hjólar eða gengur til vinnu, kemur sér við það í betra form og getur sparað sér kostnað við ýmiskonar líkamsrækt. Ný útgjöld koma auðvitað til sögunnar, svo sem strætóferðir við ákveðin tækifæri eða leigubílar. En sá kostnaður er dropi í hafið á móti bílnum.

Reykjavíkurborg á að skipuleggja borgina þannig að sem flestir eigi þennan valkost. Sem flestir búi við helstu æðar almenningssamgangna og séu ekki meira en korter að hjóla til vinnu. Á korterskortinu sem umhverfis- og samgöngusvið hefur gert má sjá hversu langt menn komast með því að hjóla rólega í 15 mínútur.

Tugþúsundir Reykvíkinga geta komist til vinnu sinnar á innan við stundarfjórðungi og hækkað í leiðinni kaupmátt heimilisins um 20% og komið sér í form! Þessum Reykvíkingum eigum við að fjölga með því að þétta byggðina.

Í gær mælti ég, ásamt Borgarstjóra, fyrir mikilvægri tillögu um að umferðahraði í hverfum borgarinnar verði minnkaður. Tillagan var samþykkt einróma.
Ástæða þess að við leggjum þessa tillögu fram núna, er að hröð bílaumferð er farin að standa hverfunum fyrir þrifum. Foreldrafélög og íþróttafélög hafa kvartað undan því að börn komist ekki sjálf leiðar sinnar innan [...]

Það er kunn staðreynd að Kaupmannahöfn og Amsterdam eru í hópi mestu hjólaborga heims. Báðar borgirnar eru þó fremur norðarlega og bjóða upp á allskonar veður.

Ný könnun frá Bandaríkjunum sýnir að fólk gengur frekar og hjólar í borgum á norðlægum slóðum en suðlægum. Vissulega eru norðurríkin sunnar en Ísland, en í flestum bandarísku borgunum verður [...]

Veðrið í Reykjavík er auðvitað ekki eins og best yrði á kosið. Hinsvegar finnst mér við stundum mála það dekkri litum en þörf er á. Þegar ég reyni að hvetja fólk í kringum mig til að hjóla, fæ ég iðulega í hausinn einhver komment um að veðrið hér sé svo slæmt að ógerningur sé að [...]

Borgarstjórn samþykkti samhljóða í vikunni hjólreiðaáætlun fyrir Reykjavík, sem ber yfirskriftina Hjólaborgin Reykjavík. Markmið skýrslunnar er að gera Reykjavík að framúrskarandi hjólaborg, þar sem fólki verður gert kleift að ferðast um borgina á hjóli á öruggan og einfaldan hátt. Þúsundir Reykvíkinga hjóla nú þegar um borgina á hverjum degi, þrátt fyrir að aðstæður séu ekki [...]

Þrjár merkilegar kannanir hafa ratað á mitt borð undanfarna daga. Þær eru allar um samgöngumálin í Reykjavík og fela í sér dálítil tíðindi, finnst mér. Þrennt get ég dregið sérstaklega fram:
1. Umferðin í Reykjavík gengur greiðar fyrir sig en áður, og nú í haust var fólk að meðaltali 3-4 mínútum fljótar á leið sinni úr [...]

Ég lenti í minniháttar árekstri á hjólinu mínu í dag. Ég var að hjóla eftir Skúlagötunni og var á gangstéttinni, þegar útúr bílakjallara kemur bíll sem þarf að fara yfir gangstéttina til að komast út á götu. Ég var sem betur fer ekki á mikilli ferð, en ökumaðurinn var eitthvað annars hugar og sá mig [...]

Fyrir nokkrum árum vakti Reykjavíkurborg athygli á þeirri hættu sem steðjar að hreinu lofti í borginni með herferð sem bar yfirskriftina: Framtíð Hreins Lofts er í þínum höndum. Markmiðið með þessu var að vekja Reykvíkinga til umhugsunar um að hreina loftið, sem við höfum alist upp við í borginni, er hreint ekki sjálfsagt. Það er [...]

Umræða um borgir og skynsamlega nýtingu þeirra hefur sjaldan verið meiri en um þessar mundir. Margt kemur til. Kreppan hefur vakið fólk til vitundar um að vont skipulag kostar borgarana mikla peninga, aðallega vegna samgangna. Nýleg könnun í Reykjavík sýndi að þúsundir Reykvíkinga voru nálægt 20 mínútum á leiðinni í vinnuna og annað eins á [...]

Á morgun hefst átakið Hjólað í vinnuna, sem hefur slegið undanfarin ár. Það er full ástæða til að hvetja alla til að taka þátt í því.

Reykjavík hefur alla burði til að verða góð hjólreiðaborg. Með Grænu skrefunum var hrundið af stað nýju átaki til að bæta aðstæður hjólreiðamanna í borginni. Megnið af því sem þar [...]