Í dag fimmtudaginn 2. september, mun hverfisráð Vesturbæjar halda fund um opnu svæðin á Högunum. Fundurinn fer þannig fram að hverfisráðið mun ganga á milli skilgreindra leiksvæða samkvæmt auglýstri dagskrá, og hitta íbúa í nærliggjandi húsum sem vafalaust hafa einhverjar ábendingar og hugmyndir um notkun þessara svæða.

Mynd af svæðinu frá 1970

Ólafur Mathiesen arkitekt hjá Glámu-Kím mun ganga með okkur en hann hefur ásamt félögum sínum á Glámu-Kím kynnt sér sögu svæðisins, með sérstakri áherslu á leiksvæði barna. Hann er líka formaður Gríms, vináttufélags Lynghagaróló. Ólafur getur frætt áhugasama um það hvernig samstarfið við borgina hefur gengið fyrir sig, og hver fyrstu skrefin ættu að vera ef íbúar nærliggjandi húsa vilja taka leiksvæði „í fóstur“.

Leikvellirnir á Högunum eru merkilegir. Hverfið er eitt það fyrsta sem byggist upp sem fjölskylduhverfi (það voru t.d. engin leiksvæði hönnuð inn í Melana sem byggðust áratug fyrr, eða svo). Melarnir og Hagarnir (austan Hofsvallagötu) eru mjög þéttbýlir á reykvískan mælikvarða (tæplega 7000 manns á 60 hekturum), og fleiri eru um hvern leikvöll en í nýrri hverfum borgarinnar. Það þarf alls ekki að vera ókostur, og verkefni íbúanna í nágrenninu og hverfisráðsins er að tryggja að þessi svæði nýtist sem best.

Við höfum kaffi með í för, þannig að þeir sem hafa bara áhuga á að hlusta og fá sér kaffisopa í góðum félagsskap eru að sjálfsögðu velkomnir. Opnu svæðin sem við stöldrum við á, eru merkt með bláu á myndinni.

Dagskráin er sem hér segir:

Kl. 16:00 Fundurinn hefst á Melhagaróló (einnig kallaður Aparóló eða
Kókakóla-róló), milli Melhaga og Neshaga (efst á kortinu)
Kl. 16:20 Fundi framhaldið á róló fyrir aftan Vesturgarð við Hjarðarhaga
Kl. 16:40 Fundi framhaldið á Kvisthagaróló, fyrir aftan Kvisthaga 7
Kl. 17:00 Fundi framhaldið á Tómasarhagaróló, fyrir aftan Tómasarhaga 51 og 53
Kl. 17:20 Fundi framhaldið á Dunhagaróló (milli Tómasarhaga, Hjarðarhaga og Dunhaga)
Kl. 17:40 Fundi framhaldið á Lynghagaróló (Milli Lynghaga og Tómasarhaga)
Kl. 18:00 Fundi slitið

Ég geri nú ekki ráð fyrir því að stórar ákvarðanir verði teknar á þessum göngu-fundi, en þetta er tækifæri fyrir hverfisráðið til að heyra sjónarmið íbúanna sem fylgjast með þessum svæðum á hverjum degi. Markmið okkar sem höfum verið kosin í hverfisráðið er að fundir okkar séu opnir og það sé auðvelt að nálgast ráðið og koma með uppbyggilegar hugmyndir og ábendingar.

Hlakka til að sjá sem flesta í dag kl. 16:00.

Á fundi umhverfis- og samgönguráðs í gær voru tvær tillögur okkar Sjálfstæðismanna samþykktar.
Sú fyrri var um hjólavefsjá, en talsvert var fjallað um þá tillögu þegar við lögðum hana fram á sínum tíma. (Vísir hér og mbl hér). Þá frestaði meirihlutinn afgreiðslu tillögunnar, en samþykkti hana svo í gær. Tillagan hljómar svona:
„Fulltrúar Sjálfstæðisflokksins í umhverfis- og [...]

Í sigurtillögu Vatnsmýrarsamkeppninnar var háskólasvæðinu gefinn sérstakur gaumur. Hugmynd Graeme Massie og Stuart Dickson sem unnu keppnina var að Suðurgatan yrði breiðstræti í gegnum háskólasvæðið, sem myndi jafnframt tengja byggingar vestan og austan megin götunnar betur en nú. Slík breiðstrætis-hugmynd er að mínu mati miklu betri en göng undir Suðurgötuna, eins og háskólinn hefur lengi [...]

Góður maður benti mér á grein í New York Times, sem birtist um helgina. Greinina skrifar prófessor í hagfræði í George Mason háskólanum í Bandaríkjunum, Tyler Cowen. Hann hefur skrifað mikið um hagfræði hins daglega lífs og hefur velt fyrir sér matarmenningu, listum og frægð í tengslum við hagfræði. Áhugaverður maður.
Í greininni í Times um [...]

Enn ein fréttin barst í gær um að bíl hefði verið ekið á barn í Reykjavík. Ekkert þekki ég til málsins en vona að meiðsli séu ekki alvarleg og sendi öllum hlutaðeigandi hlýjar hugsanir.
Verstu fréttir sem foreldrar geta fengið er að eitthvað hafi komið fyrir barnið þeirra. Það er þessvegna hörmulegt til þess að vita [...]

Meðalfjölskylda á Íslandi eyddi á árunum 2005-2007 rúmlega 15% heimilistekna sinna í kaup og rekstur ökutækja. Þetta kom fram í skýrslu frá Hagstofunni í desember. Það hlutfall hefur nánast örugglega hækkað verulega, enda kostar rekstur bíls miklu meira nú en þá (bensínhækkanir, afborgarnir af lánum …) og tekjur heimilanna hafa dregist saman. Varlega áætlað má [...]

Í gær mælti ég, ásamt Borgarstjóra, fyrir mikilvægri tillögu um að umferðahraði í hverfum borgarinnar verði minnkaður. Tillagan var samþykkt einróma.
Ástæða þess að við leggjum þessa tillögu fram núna, er að hröð bílaumferð er farin að standa hverfunum fyrir þrifum. Foreldrafélög og íþróttafélög hafa kvartað undan því að börn komist ekki sjálf leiðar sinnar innan [...]

Það er ánægjulegt að sjá hvað prófkjör okkar sjálfstæðisfólks á laugardaginn hefur fengið góð viðbrögð. Flestir virðast sammála um að baráttan hafi farið vel fram og að listinn feli í sér góða blöndu af nýliðum og fólki með reynslu. Ég tek undir það mat. Geir Sveinsson og Áslaug Friðriksdóttir verða að óbreyttu nýir borgarfulltrúar flokksins [...]

Þriðji og síðasti fyrirlesturinn minn fyrir þetta prófkjör var haldinn í Þjóðminjasafninu í gær. Húsfyllir var, eins og á fyrri fundum og hafa nú allir þrír fundirnir verið haldnir fyrir fullu húsi.

Það er sérstakt ánægjuefni að 400 manns skuli hafa haft nægan áhuga á borgarmálum til að sitja undir stífum fyrirlestri um framtíð Reykjavíkur í [...]

Eins og hefur komið fram hér á síðunni hefur verið fullt á báða fyrirlestrana mína Þjóðminjasafninu um framtíðarsýn fyrir Reykjavík. Margir hafa því beðið um að fyrirlesturinn verði fluttur einu sinni enn, og ákveðið hefur verið að verða við þeim óskum.
Fyrirlesturinn: Reykjavík — hvað ætlar þú að verða þegar þú ert orðin stór? verður því [...]