Ákveðið hefur verið að halda aftur fundinn Reykjavík — hvað ætlar þú að verða þegar þú ert orðin stór? Síðast komust færri að en vildu, og fjölmargir hafa óskað eftir því að fyrirlesturinn verði endurfluttur. Við ætlum því að endurtaka leikinn á fimmtudaginn kl. 1730 í Þjóðminjasafninu.

Í fyrirlestrinum lýsi ég framtíðarsýn minni fyrir Reykjavík, ræði það hvernig borgin hefur þróast undanfarin ár, og hver viðfangsefnin eru á næstu árum. Þrátt fyrir kreppu og offramboð af húsnæði, er nefnilega mikilvægt að við tökum réttar ákvarðanir núna, þannig að við séum tilbúin þegar þjóðfélagið fer að rétta úr kútnum. Eitt af vandamálunum við góðærisbrjálæðið síðast, var að sveitarfélögin voru að vinna skipulagið sitt undir mikilli pressu frá verktökum og peningafólki, sem eðlilega vildi vinna hlutina hratt. Þegar sú pressa fer að aukast á ný (eftir 2-4 ár?) þarf borgin að vera búin að taka mikilvægar ákvarðanir um það hvernig hún á að þróast. Tími ákvarðana er þess vegna núna og því er eðlilegt að fólk hafi áhuga á því hvernig frambjóðendur sjá þróun borgarinnar fyrir sér.

Ég hlakka til að sjá ykkur á fundinum á fimmtudaginn, kl. 1730 í Þjóðminjasafninu.

Kosningabaráttan hófst með fundi í Þjóðminjasafninu á fimmtudaginn, sem bar yfirskriftina: Reykjavík — hvað ætlar þú að verða þegar þú ert orðin stór? Fundurinn tókst vonum framar. Í gær var svo opinn vinnudagur, þar sem fólk mætti og þáði kaffi eða reif í símtólið. Mjög skemmtileg byrjun á prófkjörsbaráttunni, sem ég vona að muni snúast um framtíðarsýn.

Jafnvægið á milli borga og sveita breyttist á árinu 2007. Þá gerðist það í fyrsta skipti í mannkynssögunni að fleiri bjuggu í þéttbýli en dreifbýli. Árið 1900 bjó 10% mannkyns í borgum og búist er við að árið 2050 muni 75% mannkyns búa í borgum.  Þetta breytir mjög miklu. Margir spá því að 21. öldin [...]

Fréttablaðið birtir í dag viðtal við mig, þar sem ég er spurður út í mína sýn á borgarmálefni. Þeir sem hafa áhuga á henni geta lesið viðtalið hér. Svona viðtal gefur auðvitað aldrei fullkomna mynd af skoðunum viðmælendans, en ég held að margt af því sem ég legg áherslu á komist ágætlega til skila.

Eins og fyrri kreppur hófst þessi kreppa í borgum heimsins. Fjármálamiðstöðvarnar eru þar, þar lifa menn hátt og blása bólurnar upp. En eins ósanngjarnt og það kann að hljóma, eru það sjaldnast þessar sömu borgir sem verst koma út úr kreppum. New York og Lundúnir styrktu stöðu sína í kreppunni miklu við upphaf þessarar aldar, [...]

Eitt af námskeiðunum í náminu mínu heitir „Text and the City“ og fjallar um samspil texta og borgarlífs. Þar er komið víða við, frá veggjakroti til lesmáls í arkitektúr.
Að mínu mati hefur texti, og reyndar upplýsingar almennt, verið af of skornum skammti í Reykjavík. Við getum frætt borgarbúa miklu betur um sögu borgarinnar með fallegum [...]

Eitt af því sem ég er að læra hérna í náminu mínu, er munurinn á því sem skipulagt er í borgum og hinu sem gerist í frjálsu vali einstaklinga. Einn af kúrsunum mínum á þessari önn heitir ‘Readings in Contemporary Architectural Theory’ þar við tökumst á við helstu umræðuefnin í arkitektúr síðustu áratugina. Þessi togstreita [...]

Önninni er lokið hjá mér í Edinborgarháskóla, einkunnir komnar og allt gekk vonum framar. Ég er mjög feginn því þar sem ég gat ekki sinnt náminu alveg eins vel og ég vildi, vegna starfa minna í borgarstjórn sem tóku mikinn tíma. Bæði voru ferðalög heim nær aðra hverja viku og heilmikil vinna fyrir utan þau. [...]