Eftir borgarstjórnarfund í gær fór ég á vertshús með nokkrum félögum mínum úr meirihlutanum. Þar hittum við blaðamann frá Financial Times. Það var mjög athyglisvert. Þegar ég og félagi minn úr borgarstjórnarflokknum höfðum kynnt okkur fyrir honum sem borgarfulltrúar Sjálfstæðisflokksins sagði hann: Og í hvoru liðinu eruð þið? Við hváðum og þá hló hann strax hæðnislega og sagði okkur ekki að vera með þessi látalæti, og spurði aftur: Hvort eruð þið með forsætisráðherra eða á móti? Við sögðum honum að hann væri á miklum villigötum í þessum kenningum sínum, því það væru engin slík lið. Hann hélt nú ekki og sagði að evrópusambandsaðild væri að kljúfa flokkinn í herðar niður. Ekki áttaði ég mig á því í „hvoru liðinu“ hann teldi forsætisráðherra vera.

Ég veit ekki hvort skrif FT eru öll unnin á þessum forsendum. En það er alveg ljóst að þessi blaðamaður vildi bara sem safaríkastar fréttir, burtséð frá sannleikanum. Ég veit hinsvegar að sumir þessara blaðamanna sem hingað eru komnir til að skrifa fréttir af kreppunni eru vonsviknir yfir því að það skuli ekki vera meiri dramatík. Fréttamyndirnar af tómum vöruhillum eða mótmælagöngum hafa sem betur fer látið á sér standa. Við skulum vona að það verði þannig áfram.

Það er alveg rétt sem Þór Sigfússon segir í blaðagrein sinni í Morgunblaðinu í dag, að í ýmsum útrásarfyrirtækjum býr ótrúlega mikil þekking og sérhæfni sem glapræði væri að horfa framhjá, þótt óorði hafi verið komið á útrás. Í þeim fjölmörgu hugmyndum sem voru í farvatninu þegar spilaborgin hrundi, felast ýmiskonar tækifæri. Í fyrirtækjunum sem [...]

Það er engin lausn að gefa öllum frítt í strætó, eins og fulltrúi Frjálslynda flokksins í borgarstjórn er enn einu sinni að leggja til. Það geta verið rök fyrir því að bjóða ákveðnum hópum upp á mikla afslætti eða láta kort í strætó fylgja innritunargjöldum í skóla, eins og gert hefur verið að undanförnu með [...]

Mikið hjólreiðaátak hefur staðið yfir í Reykjavík allt þetta kjörtímabil. Í Grænu skrefunum segir undir yfirskriftinni Göngum lengra, hjólum meira: „Göngu- og hjólreiðastígurinn frá Ægisíðu upp í Elliðaárdal verður breikkaður, upphitaður og vatnshönum þar fjölgað. Göngu- og hjólreiðastígum verður sinnt eins og götum borgarinnar allan ársins hring … Merkingar göngu- og hjólreiðastíga munu taka mið [...]

Í dag er nákvæmlega ár síðan 100 daga meirihlutinn tók við völdum í Reykjavík. Einhverra hluta vegna var lítið um mótmæli vegna „ruglsins í Reykjavík“ á pöllunum þá. Kannski ungir jafnaðarmenn hafi bara verið uppteknir við annað.
100 daga meirihlutinn var aldrei góður. Það voru mikil mistök hjá þeim að setja ekki einu sinni niður grófa [...]

Vafalaust eru til einföld svör við þessum spurningum. Ég hef bara ekki heyrt þau.
1. Það er búið að klifa á því að Ísland hafi ekki ráðið við svona stórt bankakerfi af því við séum með svo lítinn og veikan gjaldmiðil. Sviss er líka með bankakerfi sem er miklu stærra en ríkið og þeir eru líka [...]

Fjölmargt verður útundan í þjóðfélagsumræðunni þegar svo mikið gengur yfir sem raunin er þessa dagana. Eitt af því sem ég hef áhuga á að vita meira um, er lán Rússana til okkar. Í erlendum fjölmiðlum gætir mikillar tortryggni vegna þessa láns. Ef það er eitthvað sem við ættum að læra af ástandinu núna, þá er [...]

Fyrrverandi kollegi minn Björn Ingi Hrafnsson er byrjaður að blogga á nýjan leik. Björn Ingi er víðlesinn og ágætur penni og ég hafði gaman af skrifum hans … þangað til hann skrifaði uppá meirihlutaslit við okkur fyrir nákvæmlega ári síðan. En látum það liggja á milli hluta.
Björn Ingi skrifar nú mest um markaðsmál og ástandið [...]

Fyrr í dag hafði ég orð á því að nú væru tímar samstöðu og vinaþels því ef kreppan versnar bitnar það á okkur öllum og engin ástæða til annars en að hvert og eitt okkar leggi sitt litla lóð á vogarskálarnar til að við komumst út úr þessu sem fyrst. Þetta þótti Agli fyndið og [...]

Það er full ástæða til að taka undir með forsætisráðherra þegar hann segir að nú sé mikilvægast af öllu að við sýnum samstöðu í þeim aðgerðum sem eru framundan. Það hefur runnið upp fyrir þjóðinni smám saman hvað við er að eiga, enda hafa bæði forsætisráðherra og seðlabankastjóri talað með þeim hætti á undanförnum vikum. [...]