Ég hef lengi bent á að gott skipulag getur haft verulega jákvæð áhrif á efnahag fjölskyldnanna í borginni. Ferðatími skiptir þar mestu máli, en þúsundir Reykvíkinga þurfa að ferðast í 30-40 mínútur til og frá vinnu á hverjum degi. Flestar þær ferðir eru farnar í bíl, sem kostar mikla peninga.

Heimilin í borginni eyða meira í ferðir á bílnum sínum, en í matarinnkaup. Fyrir einstakling sem býr fjarri vinnustað sínum eða skóla, er meðalkostnaður vegna ferða hátt í þriðjungur ráðstöfunartekna. Þetta hlutfall er miklu lægra í borgunum í kringum okkur, og það er ekki óalgengt að einstaklingar noti innan við 10% ráðstöfunartekna sinna í ferðir. Ástæðan er fyrst og fremst sú að borgir bjóða upp á fjölbreytilegri ferðamáta í formi hjólastíga og almenningssamgangna, en líka sú að framboð íbúða miðsvæðis er meira.

Með því að þétta byggðina, byggja á gömlum iðnaðarsvæðum innan byggðarinnar (Ártúnshöfðinn, Skeifan, hafnarsvæðið og Vatnsmýrin duga okkur til dæmis sem byggingaland næstu áratugina) bjóðum við fleirum upp á það að hafa meiri pening milli handanna, með því að lækka ferðakostnað sinn. Þeir sem hafa það betra fjárhagslega, munu áfram geta valið sér fallegt einbýlishús í úthverfi, enda býr Reykjavík ákaflega vel í þeim efnum; með hátt hlutfall sérbýlis og bestu úthverfi sem ég hef séð.

Ég var í viðtali um þetta alltsaman í þættinum Klinkið á visi.is. Hér að neðan er hlekkur á þennan þátt:

http://www.visir.is/section/MEDIA99&katid=3&subkatid=138

Í gær voru kynntar sigurtillögur í samkeppni um hönnun á göngu- og hjólabrúm yfir Elliðaárósa. Hlutskörpust var tillaga teiknistofunnar Traðar, en nánar má lesa um þá tillögu og aðrar sem fengu verðlaun hér. Tillaga Traðar gerir ráð fyrir tveimur myndarlegum mannvirkjum, yfir báða strauma Elliðaárinnar við Geirsnef. Þetta sést ágætlega á tölvugerðri mynd:
Þessi göngu- [...]

Nokkur umræða hefur skapast um ofsaakstur í Ánanaustum, Grandatorgi og nágrenni. Sláandi myndband var sett á netið sem sýndi glæfraakstur á þessu svæði, enda aðstæður til hraðaksturs þarna einstaklega góðar.
Þetta er myndbandið:

Og hér er frétt Mbl.is um málið.
Af þessu tilefni fluttum við Hildur Sverrisdóttir tillögu í umhverfis- og samgönguráði í gær sem hljómar svona:
Fulltrúar Sjálfstæðisflokksins [...]

Í stað þess að fara af stað með þá ofvöxnu uppbyggingu á Landspítalalóðinni sem meirihluti borgarstjórnar er nú að reyna að keyra í gegn, ættu borgarfulltrúar frekar að horfa til tveggja hugmynda sem hafa verið settar fram á undanförnum árum og henta svæðinu betur.
Eins og fram kom í pistli mínum í gær voru rekstrarráðgjafar og [...]

Meirihlutinn í Reykjavík hefur nú ákveðið að reyna að keyra í gegn nýtt deiliskipulag Landspítalans við Hringbraut. Deiliskipulagið er að mínu mati mjög vont. Til dæmis eru bílastæðamál á svæðinu mjög illa leyst, og raunar óleyst að stórum hluta. Mikilvæg götuhorn þar sem ættu að standa glæsilegar hornbyggingar eru illa hönnuð og illa nýtt (eitt [...]

Arkitektabloggið hans Hilmars Þórs Björnssonar er með því skemmtilegasta sem ég les á netinu. Í nýlegri færslu fjallar hann um þéttleika borga og birtir frábæra mynd af síðunni Per Square Mile, sem ég endurbirti hér (smellið til að sjá hana stærri).

Myndin sýnir semsagt hversu stórt svæði mannkynið þyrfti ef það byggi í borg sem væri [...]

Umræður voru á Alþingi í gær um framtíð innanlandsflugsins. Einar K. Guðfinnsson var málshefjandi og tóku nokkrir aðrir þingmenn til máls, meðal annars innanríkisráðherra. Allir þeir sem tóku til máls virtust sammála um að ríkið þyrfti að niðurgreiða innanlandsflugið meira en það gerir nú þegar.
Reykjavíkurflugvöllur kom einnig til tals og það kom lítið á óvart [...]

Ný ferðavenjukönnun fyrir höfuðborgarsvæðið var að koma út. Það eru talsverð tíðindi, enda var síðasta könnun gerð árið 2002. Það er gaman að sjá hvernig íbúar höfuðborgarsvæðisins fara ferða sinna. Ég var að fá könnunina í hendur, en í fljótu bragði sýnast mér þetta vera helstu punktarnir:
* Reykvíkingar ferðast með umhverfisvænni hætti en nágrannasveitarfélögin. Til [...]

Í umhverfis- og samgönguráði á þriðjudaginn lögðum við Hildur Sverrisdóttir fram tillögu um að tími fyrir gangandi yrði lengdur á gönguljósunum á Hringbrautinni á móts við Stapa, þar sem áður var Bóksala stúdenta en er nú Lýðheilsudeild Háskólans. Þetta eru ein fjölförnustu gönguljós borgarinnar, með stöðugan straum stúdenta og annarra, enda er þetta eina skipulagða [...]

Því er stundum haldið fram að við sem viljum fá blandaða byggð í Vatnsmýrina í Reykjavík, séum sérstakir andstæðingar innanlandsflugsins eða jafnvel landsbyggðarinnar. Ekkert er fjær sanni. Ástæða þess að yfirgnæfandi meirihluti borgarstjórnar vill fá Vatnsmýrina undir byggingarland er eftirfarandi:
Á næstu 20 árum mun Reykvíkingum fjölga um 25 þúsund manns, samkvæmt spám. Mikilvægasta verkefni borgarstjórnar [...]