Ég hef verið að dunda mér við að taka myndir af nytjatrjám í Reykjavík þegar þau hafa orðið á vegi mínum að undanförnu. Augu mín hafa opnast fyrir því hvað flóran í borginni er fjölbreytileg, en svo skilst mér líka að með betra veðurfari og fleira áhugasömu garðyrkjufólki, hafi ávaxtatrjám og öðrum nytjaplöntum verið að fjölga. Einhvernvegin hélt ég lengi vel að epli gætu ekki vaxið hér á norðurslóð; „það hljóta að vera til eplatré, í öðrum löndum“ söng Nýdönsk, en nú veit ég betur og hef séð fjöldan allan af skemmtilegum berjum og ávöxtum sem virðast þroskast vel.

Hér fyrir neðan er kirsuberjatré sem vinir mínir í Fossvogi plöntuðu og hefur gefið helling af berjum. Fyrir utan það hvað það er fallegt.

Í Vesturbænum rakst ég á þetta eplatré, sem ég hef fyrir satt að beri nokkur epli á sumri þótt ungt sé og veigalítið. Það verður spennandi að skoða það næstu sumur.

Hindber eru í sérstöku uppáhaldi hjá mér, og það kom mér því þægilega á óvart þegar einn af nágrönnum mínum benti mér á það sem hann kallaði ofvirkan hindberjarunna í garðinum sínum á Högunum. Ég kíkti við og viti menn, allt vaðandi í safaríkum, stórum og fallegum hindberjum. Með hans leyfi smakkaði ég nokkur og svei mér ef þetta eru ekki bestu hindber sem ég hef smakkað.

Á sama stað er líka ferskjutré, sem er myndarlegt og með fjölda ferskna á greinum sínum. Ferskjurnar voru að vísu ekki alveg þroskaðar og ég smakkaði ekki á þeim. Kannski er búið að tína allar þær sem voru fullþroskaðar? Tréð er að minnsta kosti fallegt, og ber greinilega ríkulegan ávöxt.

Sjálfur er ég svo mikill byrjandi í þessu að ég er hvorki með nýstárlega berjarunna í garðinum mínum né ávaxtatré. En ég byrjaði í vor að rækta kryddplöntur og örlítið af grænmeti í stofuglugganum hjá mér, eins og ég sagði frá hér. Uppskeran hefur verið misjöfn; grænmetisplönturnar voru ekki í nógu stórum pottum til að ná að bera stóra hlunka einsog kúrbít, og ég var ekki kominn með aðstöðu til að setja plönturnar út í mold. Það kemur næsta sumar. Þó hefur tómataplantan gefið af sér fjöldan allan af litlum tómötum. Þeir eru á stærð við kirsuberjatómata og mjög góðir.

Kryddplönturnar hafa hinsvegar vaxið stjórnlaust, og ég hef varla haft undan að nota þær. Salvían hefur komið sér vel í fljótlega pastarétti með smjöri, við tínum basilikuna upp í okkur, sömuleiðis steinseljuna og þar frameftir götunum. Þetta er mjög skemmtilegt dund og næsta skref er að koma þeim plöntum sem þola að vera úti, í gott skjól næsta vor, þannig að þær sjái um sig sjálfar.

Ég ítreka að lokum þá skoðun mína að mér finnst að Reykjavíkurborg ætti að auka gróðursetningu ávaxtatrjáa þegar borgin er að gera upp opin svæði inni í hverfunum. Við erum hvort sem er að setja niður ýmiskonar tré og það færir aukinn lit í borgina að hafa eitt og eitt tré ávaxtatré eða berjarunna. Á afmælishátíð Lynghagaróló á dögunum fékk ég það hlutverk sem formaður hverfisráðs Vesturbæjar að færa leikvellinum gjöf frá borginni, sem verður einhverskonar ávaxta eða berjatré. Það verður gaman að sjá það vaxa og dafna í Vesturbænum.

Það vakti athygli á borgarstjórnarfundi í dag, að formaður borgarráðs Dagur B. Eggertsson tilkynnti að þrátt fyrir miklar hækkanir á gjaldskrá Orkuveitu Reykjavíkur á dögunum „getur vel verið að það þurfi að taka dýpra í árina strax á næsta ári, bæði hvað varðar hagræðingu og niðurskurð og gjaldskrárhækkanir.“
Þetta eru talsverð tíðindi því hækkun upp á [...]

Banksy er einn áhugaverðasti myndlistamaður samtímans. Ef menn vilja vera þröngsýnir kalla þeir hann veggjakrotara, en flestir sjá að verk hans eru miklu meira en það. Enda er það staðreynd að fáir myndu í dag mála yfir Banksy verk ef það birtist einn góðan veðurdag á vegg í þeirra eigu. (Ég hef áður skrifað um [...]

Í örskotsstund hélt ég að þau tímamót hefðu orðið í íslenskri pólitík, að samgönguráðherra kæmi úr höfuðborginni, þar sem þriðjungur þjóðarinnar býr. En svo mundi ég að Ögmundur hafði fært sig í kragann.
Góðu fréttirnar eru auðvitað að kraginn er á höfuðborgarsvæðinu, þar sem um 70% landsmanna búa, en það er ansi fátítt að samgönguráðherrar komi [...]

Ég hef nær eingöngu heyrt talað um gjaldskrárhækkun OR í prósentutölum. Staðfest hefur verið að þetta er tveggja stafa tala, en við borgarfulltrúar sem ekki sitjum í stjórn fyrirtækisins vitum ekkert meira en hver annar Reykvíkingur hvort talan verður 10% eða 30% eða eitthvað þar á milli.
En venjulegt fólk sem þarf að borga hitareikninginn sinn [...]

Það er athyglisvert hvað hjólreiðar vekja upp sterk pólitísk viðbrögð hjá fólki. Margir vinir mínir í hópi frjálshyggjumanna hafa horn í síðu hjólreiða og fara ekki leynt með það. Finnst einhver sósíalistalykt af þeim og tengja þær við kröfugerðahópa um aukin útgjöld, sem eru þeim ekki að skapi. Aðrir frjálshyggjumenn víða um heim hafa tekið hjólreiðar [...]

Á fundi umhverfis- og samgönguráðs í dag lögðum við fulltrúar D listans fram eftirfarandi tillögu:
Fulltrúar Sjálfstæðisflokksins í umhverfis- og samgönguráði leggja til að gerð verði Hjólavefsjá fyrir Reykjavík.  Vefsjáin verði gagnvirk vegvísun sem sýnir borgarbúum á einfaldan hátt hvernig hjólafólk kemst frá A til B á sem fljótlegastan og öruggastan hátt. Borgarbúar geti slegið inn [...]

Það er alltaf skemmtilegt þegar fólk fer sínar eigin leiðir. Stjórnlyndir stjórnmálamenn og arkitektar með mikilmennskutilhneygingar eiga erfitt með slíkt, eins og ótal dæmi sanna. Ég skrifaði um þetta fyrir rúmu ári undir yfirskriftinni Óskastígar. Þann pistil má sjá með því að smella hér.
Ég var ekki með neina mynd af reykvískum óskastígum þegar ég skrifaði [...]

Grænar byggingar eru ekki farnar að ryðja sér verulega til rúms hér á Íslandi. Í gær opnaði hinsvegar Snæfellsstofa, sem mun vera fyrsta byggingin á Íslandi sem fær svokallaða BREEAM vottun. BREEAM er breska útgáfan af umhverfisvottun fyrir byggingar, en þekktari er LEED, sem fundið var upp í Bandaríkjunum. Engin bygging í Reykjavík hefur fengið [...]