27. nóvember, 2012

Samráð Samfó-style

Metfjöldi athugasemda barst við auglýsingu á nýju deiliskipulagi við Landspítalann við Hringbraut, rúmlega 800. Borgarfulltrúar, og aðallega fulltrúar í skipulagsráði, eru undanfarna daga búnir að vera að fara yfir þessar athugasemdir. Samfylkingin hlýtur að fara yfir þær með sérstakri athygli, enda sagði hún í kosningaáherslum sínum fyrir síðustu kosningar:

Samfylkingin vill efla íbúalýðræði. Með því að greiða götur íbúanna að ákvörðunum er viðurkenndur réttur einstaklinga til upplýsinga og þátttöku við að móta nánasta umhverfi sitt.

Og líka:

Samráð í skipulags-, umhverfis- og skólamálum á að gera markvissara og styrkja aðkomu íbúa og foreldra að lykilákvörðunum.

Þeir sem trúa því ennþá að Samfylkingin meini eitthvað með loforðum sínum, hljóta að gera ráð fyrir því að þegar ríflega 800 íbúar taka sig til og senda inn bréf til að mótmæla „lykilákvörðun“ í skipulagsmálum, þá muni flokkurinn ‘viðurkenna rétt einstaklingana til þátttöku við að móta nánasta umhverfi sitt’.

Það er síðan áhugavert innlegg inn í þetta lýðræðislega ferli að hagsmunaaðilinn í málinu sendir bækling inn í hvert hús í morgun, þar sem einhliða áróður er rekinn fyrir því að þetta umdeilda skipulag verði samþykkt. Hvað ætli yrði sagt ef einhverjir aðrir verktakar sem væru að reyna að koma í gegn umdeildu deiliskipulagi í borginni myndu gera þetta, til þess að reyna að hafa áhrif á ákvörðun lýðræðislega kjörinna fulltrúa?

Ég ítreka:
* Ég vil að Landspítalinn fái að byggja sig upp við Hringbraut.
* Þetta skipulag er hinsvegar ekki gott
* Byggingamagn er allt of mikið
* Uppbyggingin mun draga til sín of mikla umferð.
* Engar lausnir liggja fyrir um það hvernig dregið verður úr neikvæðum áhrifum umferðar á Hlíðabúa, bæði á framkvæmdatíma og um alla framtíð.

Ég hef skrifað heilmikið um Landspítalann. Meðal annars þetta:
Landspítalinn
Lausnir á Landspítalalóðinni
4 Smáralindir við Landspítalann

26. nóvember, 2012

30-40 mínútur

Hvernig gengur það upp að þeir sem vilja flugvöll í Vatnsmýri telja í lagi að þúsundir Reykvíkinga keyri í 30-40 mínútur á dag til og frá vinnu, en finnist of mikið að farþegar í innanlandsflugi keyri í 30-40 mínútur í þetta eina skipti á ári sem þeir fara í innanlandsflug?

21. nóvember, 2012

Svona fólk vil ég á þing

Nú styttist í prófkjörið hjá okkur Sjálfstæðismönnum í Reykjavík. Ég hef verið að pæla í því hverja ég ætla að kjósa, og margir góðir eru í boði. Það skiptir máli að gott fólk skipi þennan lista og leiði uppbyggingu landsins eftir bankahrun og vonda vinstristjórn. Ég ákvað að leggja línurnar fyrir sjálfan mig til að [...]

14. nóvember, 2012

Sjálfhverfan

Síðari grein Sighvats Björgvinssonar um að við hin séum óþolandi sjálfhverf, byrjar á fréttum af því hvað fyrri greinin hans fékk mörg læk á netinu.
ps. orðið „Ég“ kemur fyrir 36 sinnum í greininni í ýmsum föllum.

12. nóvember, 2012

Annað lítið skref (fyrir mannkynið)

Í síðasta pistli sagði ég frá lítilli hugmynd til að gera strætó betri. Hér er önnur sem við Hildur Sverrisdóttir lögðum fram og var líka samþykkt:
Gólfin í biðskýlum Strætó í Reykjavík verði upphituð þar sem því verður við komið. Einnig verði gerð áætlun um upphitun gönguleiða að og frá helstu biðskýlum Strætó.
Með því að hafa [...]

9. nóvember, 2012

Hænuskref að betri strætó

Stundum er borgarkerfið furðulega svifaseint. Jafnvel þegar allir borgarfulltrúar eru sammála. Nokkrir mánuðir eru síðan við Hildur Sverrisdóttir fengum þessa tillögu samþykkta:
Strætóskýli verði merktar þeim leiðum sem stoppa á þeim. Þetta þekkist í erlendum borgum. Hér er mynd sem ég tók á símann minn í Kaupmannahöfn.

Fólk lærir á kerfið, á ferðinni. Sér kannski á útum [...]