13. mars, 2014

Fjórflokkurinn sígur enn neðar

Ég skrifaði um fylgi fjórflokksins á dögunum og vakti athygli á því að hann hefur aldrei verið óvinsælli en um þessar mundir. Hann var lengst af með í kringum 95% fylgi í Þjóðarpúlsi Gallup, bæði fyrir og eftir hrun. Í lok árs 2010 fór að halla undan fæti hjá fjórflokknum og leiðin hefur legið niður á við síðan. Lægst fór fjórflokkurinn í desember síðastliðnum, en hann mældist þá með samtals 70,1%.

Í nýjasta Þjóðarpúlsi Gallup heldur þessi þróun áfram og flokkarnir sem mynda fjórflokkinn mælast nú með 68,8% fylgi, og hafa aldrei í sögunni verið lægri.

Þetta er í raun algjört hrun í vinsældum fjórflokksins, eins og sést vel á línuriti sem ég gerði og er á Tumblr síðunni minni.

P.s. Ég sendi reglulega stutt fréttabréf með ýmiskonar fréttum af því sem hefur á daga mína drifið, áhugaverðu efni um samfélagsmál eða annað skemmtilegt. Þeir sem vilja skrá sig og fá þessi litlu fréttabréf mín, geta gert það hér.

11. mars, 2014

Lundúnir, list og saga

Við sem elskum borgir höfum gaman af því að skoða gamlar myndir af þeim og bera saman við nýjar. Venjulega eru þetta fyrir/eftir myndir þar sem ljósmyndarar hafa komið sér fyrir á sama stað og gamlar myndir voru teknar.
Hér eru hinsvegar næsta-stigs útgáfa af þessu. Hér hafa verið teknar Google götumyndir frá Lundúnum og gömlum [...]

1. mars, 2014

Sigrún, sannfæringin og stjórnarskráin

Það er rétt sem hin ágæta Sigrún Magnúsdóttir segir að þjóðaratkvæðagreiðslur eru oft „ráðgefandi“. Eftir sem áður þurfa stjórnmálamenn að gera það upp við samvisku sína hvernig þeir greiða atkvæði í tilteknu máli á þingi eða í sveitarstjórn. Hægt er ímynda sér þær aðstæður að stjórnmálamaður segi hreinlega fyrirfram að hann muni ekki fara eftir [...]